ශෑන් මකර සටන්කරු - Episode - 16 ✨❤️
පරිච්ඡේදය 16 | Tharupathi | 1 වාර කියවා ඇත 0 අදහස්
ශෑන් මකර සටන්කරු - Episode - 16✨️❤️
අකීරා වටා නිල් සහ රතු පැහැය මුසු වූ, මහා කුන්ෆු ලාංඡනය සහිත බලගතු ආරක්ෂක වළල්ලක් නිර්මාණය විය.
එය කෙතරම් ප්රබල මායාවක්ද යත්, ඒ දෙස බලා සිටි ශ්වාන් සහ මාස්ටර් තාංචි නිරායාසයෙන්ම අඩියක් පසුපසට ගත්හ.
අකීරා ද තමා වටා සිදුවන මේ විශ්මිත ක්රියාවලිය දෙස බලා සිටියේ අදහාගත නොහැකිවය.
තාංචි අධිරාජයා සහ ශ්වාන් පුදුමයෙන් එකිනෙකා දෙස බැලූහ.
තාංචි අධිරාජ්යයා සිය උපරිම බලයෙන් මවා තිබූ මාරාන්තික "ගිනි වළලු", අකීරාගේ කුන්ෆු ලාංඡනය ඉදිරියේ නෙළුම් පෙති බවට පත් විය.
එම පෙති මාලයක් සේ සැකසී අකීරාගේ ගෙල වටා එතුණි.
"ඒක වෙන්න බැහැ... ඔව්, ඒක කවදාවත් වෙන්න බැරි දෙයක්!" තාංචි වෙව්ලන හඬින් මුමුණන්නට විය.
"මොකක්ද සීයේ වෙන්න බැරි?" ශ්වාන් කුතුහලයෙන් ඇසුවේය.
"මම ඔහුව මගේ මේ අත් දෙකෙන්ම විනාශ කරලා දැම්මා. ඒත් ඔහු ආපහු ඇවිත්... ඒ කියන්නේ ස්වාමි කියපු අනාවැකිය ඇත්ත වෙලා. ඔහු නැවත ඉපදිලා!"
තාංචි අධිරාජයාගේ මේ අමුතු හැසිරීම දුටු ශ්වාන්ගේ සිතේ ඇති වූයේ මහත් බියකි.
"ඇයි සීයේ? කවුද මේ ඇවිත් ඉන්නේ? පැහැදිලිව කියන්නකෝ."
"ශ්වාන්... අවුරුදු විස්සකට පස්සේ ඔහු ආපහු ඇවිත්."
"කවුරු ගැනද ඔයා ඔය කියන්නේ?" ශ්වාන් නොඉවසිල්ලෙන් ඇසීය.
"ඒ තමයි 'කුන්ෆු අධිරාජයා'. ශ්වාන්, ඔහු ඇවිත් ඉන්නේ මාව මරලා පලිය ගන්න. මට ඒකට ඉඩ දෙන්න බැහැ!"
"සීයේ, පොඩ්ඩක් සන්සුන් වෙන්න. ඒ ඉන්නේ ඔහුමයි කියලා ඔයා කොහොමද දන්නේ?"
"කොහොමද එහෙම වෙන්නේ අහනවාද? මගේ මාරාන්තික ගිනි ජාලා පරාජය කරලා, මේ වගේ 'ශ්වේත ආවරණයක්' නිර්මාණය කරන්න පුළුවන් ඔහුට විතරයි. ඒ වගේ බලවත් ආවරණයක් හදන්න මටවත් බැහැ."
"එයා ඔයාටත් වඩා බලවත්ද සීයේ?" ශ්වාන් විමතියෙන් ඇසුවේය.
"ඔව් ශ්වාන්. ඔයාටත් ඔහුගෙන් බේරෙන්න ලේසි වෙන්නේ නැහැ. ඔහු තමයි සටන් කලාවේ රජු. ඔහුව පරාජය කරන්න පුළුවන් කෙනෙක් තවම මේ ලෝකේ ඉපදිලා නැහැ. ඒක දෙවියන්ටවත් කරන්න බැරි දෙයක්!"
"අනේ මම නම් ඔය කාටවත් බය නැහැ සීයේ! මේ පාර ඔහුට මගෙන් පාඩමක් ඉගෙන ගන්න වෙයි," ශ්වාන් උඩඟු ලෙස කීවේය.
"කට වහගනින් ශ්වාන්!" තාංචි ගර්ජනා කළේය. "උඹ ඔය කියන කතාවේ බරපතළකම උඹ දන්නේ නැහැ. ඔහුත් අපි වගේ සාමාන්ය කෙනෙක් තමයි.
ඒත් ඔහුගේ මේ සැබෑ බලය එළියට එන්නේ සිතට දරාගත නොහැකි දුකක් හෝ බියක් ඇති වුණු වෙලාවට විතරයි."
Author : G.K.Tharupathi Lankesh
ඊලග කොටස ඉක්මනට ඕනිනම් "Next" කියලා කමෙන්ට් එකක් දාන්න.