ශෑන් මකර සටන්කරු - Episode - 08 ✨❤️
පරිච්ඡේදය 8 | Tharupathi | 1 වාර කියවා ඇත 0 අදහස්
ශෑන් මකර සටන්කරු - Episode - 08 ✨❤️
"ඒ කවුද ඒ? එයා ඒ තරම්ම අමාරුකාරයෙක්ද?" එක්වරම ආචි කුතුහලයෙන් ඇසුවේය.
"ඔව් ආචි, පෙනෙන විදිහට නම් ඔහු අකීරටත් වඩා බොහොම ශක්තිමත්, ඒ වගේම වේගවත් කෙනෙක්. ඔහු මුළු ගමේම ඉන්න තරුණ පිරිස එක්ක තනිවම සටන් කරලා ඔවුන්ව පරාජය කළා."
"අපි ඒක බලාගමුකෝ!" ආචි උස් හඬින් පැවසුවේය.
"මාස්ටර් ශී, මම දැන්ම ගිහිල්ලා ඔය අලුත් සමුරායි කොල්ලවයි, අනිත් සමුරායිවරුන්වයි පරාජය කරලා, අපේ ගම්වැසියන්වයි ගම්නායකතුමාවයි බේරගෙන එන්නද? මට ඕනේ මාස්ටර්ගේ අවසරය විතරයි."
"අවශ්ය නැහැ ආචි, කලබල වෙන්න එපා. මේ තත්ත්වය කලින්ට වඩා බොහොම බරපතළයි. අපිට මේ වෙනුවෙන් හොඳ සැලසුමක් තියෙන්න ඕනේ,"
මාස්ටර් ශී ඉතා සන්සුන්ව පැවසීය.
"ඒ වගේම අපිට තවත් බලය අවශ්යයි..."
"ඒ කියන්නේ මාස්ටර්? මොන වගේ බලයක් ගැනද ඔබතුමා මේ කියන්නේ?" ආචි මවිතයෙන් ඇසුවේය.
"අපි අපේ නින්ජා කණ්ඩායම තවත් ශක්තිමත් කරගන්න ඕනේ. ඒ නිසා තවත් පිරිසක් අපිට එකතු කරගන්න වෙනවා. අපි කලින් සටන් කළේ අකීරා එක්ක විතරයි, ඒත් දැන් අපිට ඇයටත් වඩා බලවත් සතුරෙක් ඉන්නවා. ඒ නිසා අපි හැම වෙලාවකම අවධානයෙන් ඉන්න ඕනේ,"
මාස්ටර් ශී පැවසීය.
එවිටම ආචි උද්යෝගයෙන් කෑගැසුවේය.
"එහෙනම් අපි මගේ හොඳම යෙහෙළියවත් අපේ කණ්ඩායමට එකතු කරගමු!"
ආචි එසේ පවසමින් ඇඟිල්ල දිගු කර පෙන්වූයේ, මුලින් කතාව පැහැදිලි කළ ආකර්ෂණීය ගැහැනු ළමයාවයි.
"ඔව් මාස්ටර්, මටත් හිතෙනවා ඇයව එකතු කරගන්න එක හොඳයි කියලා,"
මිත්සුකී ද ආචිගේ අදහසට එකඟ විය.
"ඔව් ළමයිනේ, මමත් හිතනවා ඒක හොඳ අදහසක් කියලා. හැබැයි අපි ඇයගෙනුත් මේ ගැන අහන්න ඕනේ,"
මාස්ටර් පැවසීය.
"හරි, ඒ වැඩේ මම කරන්නම්!"
එසේ පවසමින් ආචි ඇය දෙසට දිව ගියේය.
"යුන්ෂි, ඔයා කැමතිද අපේ නින්ජා කණ්ඩායමට එකතු වෙන්න? මාස්ටර්ත් කැමතියි ඔයා එනවාට."
"මාස්ටර්මද ඔයාට කිව්වේ මගෙන් අහන්න කියලා?" යුන්ෂි සිනාසෙමින් ඇසුවාය.
"ඔව් ඔව් යුන්ෂි, ඔයා එනවා නේද? කියන්නකෝ..."
"හරි ආචි, මම කැමැත්තෙන්ම ඔයාලගේ කණ්ඩායමට එකතු වෙන්නම්. මම කලක ඉඳන්ම ආසාවෙන් හිටියේ නින්ජා කෙනෙක් වෙන්න," යුන්ෂි පැවසුවාය.
"ඒ වුණාට යුන්ෂි, මම කලිනුත් ඔයාට කිව්වානේ එන්න කියලා. ඒ දවස්වල ඔයා අකමැති වුණානේ?"
ආර්චි මවිතයෙන් ඇසීය.
"ඒ කලින්නේ... දැන් තත්ත්වය වෙනස්," යුන්ෂි මිමිණුවාය. "එයා නම් හරියට චීන සටන්කරුවෙක් වගේ," ඇය වූෂෙන් දෙස බලමින් රහසින් පැවසුවාය.
"මොකක්ද යුන්ෂි කිව්වේ?" ආචි ඇසීය.
"නෑ නෑ ආචි, මම කිව්වේ ගම්නායකතුමාව බේරගන්න මම අනිවාර්යයෙන්ම එනවා කියලා."
ඈත සිට මේ දෙස බලා සිටි වූෂෙන් මිත්සුකීට මෙසේ පැවසීය...
Author : G.K.Tharupathi Lankesh
ඊලග කොටස ඉක්මනට ඕනිනම් "Next" කියලා කමෙන්ට් එකක් දාන්න.