කරමින් අනුන්ට කරදර
ඉටුවේද නුඹගේ මනදොල
දෙව්ලෝ අපා ඇති පරතර
නොදනීද නුඹ හැම කල
කියා හැම තැන කේලම්
පත්තු කළ ගමෙ කෝලම්
ඇවිලෙද්දි ගිනි මෝසම්
මතක් වෙද්දිත් awesome
එහා ගෙදරට කොටුවක්
පැන්නම ලැබේද තරුවක්
මිනිහා නැති ඇගෙ වරුවක්
ලැබුනා උඹ හට තටුවක්
ඉකි ගසා හඬන ඈ ගැන
දුක අහන අයියල හැමතැන
නිවා ඇගෙ දුක නිසිකල
සයනයක නිමි පණ නළ
වදමිනා ලෝකෙට අගන දරුවන්
දමමිනා පාරට උන් විය මරුවන්
නොහදනා මව බිහිකළ දරුවන්
හඳුනනා මව් බැල්ලියක තිරිසන්
අගේ ඇත පෙර සිටන් සිවුරට
සැකේ නැත හැම විටන් පොකුරට
රිංගලා අමු හොරුන් ඇතුලට
අනේ උන දේ අපේ සසුනට
කරන් නොයෙකුත් පාප කදිමට
හිතන් ඇති දොර දිව්ය ලෝකෙට
මෙහෙන් චුත වුණ ගමන් හනිකට
යන්න හැකි වෙයි අහෝ! නිරයට
2026 DinuCreations —
සියලු හිමිකම් ඇවිරිණි. All Rights Reserved.
story.lk
